Vedat Muriqi pritet të largohet nga skuadra e Lacios ku nuk po i’a del të fitojë vendin e titullarit. Sulmuesi i përfaqësueses së Kosovës mund të rikthehet në huazim tek ish-skuadra e tij teksa zërat për këtë lajm i ka konfirmuar bashkëshortja e shtatlartit. Së fundmi për këtë çëshjtë është pyetur edhe trajneri i bardhekaltërve Mauricio Sarri i cili ka theksuar se nuk ka asnjë informacion për këtë çështje.
“Për Fenerbahçen nuk di çfarë të them, ai po stërvitet mirë, ka dalë i zhgënjyer nga fusha e lojës në ndeshjen me Bolonjën, ashtu si të gjithë për shkak të rendimentit individual dhe të skuadrës. Ai po stërvitet mirë, mund t’i japë mundësinë Imobiles të rikuperojë. Por për merkaton nuk di në të vërtetë çfarë të them”, tha Sarri.
