Pas lajmit për shtyrjen e afatit, është rimbledhur sot Komisionit Hetimor për çështjen e inceneratorëve. Kryetarja Jorida Tabaku ka zbuluar edhe datat kur do të thirren dëshmitarët.
Mes atyre që do të dëshmojnë në komision është edhe kryeministri Edi Rama, dhe zv.kryeministri Arben Ahmetaj. Pjesë e listës për të dëshmuar është edhe ish-ministri Lefter Koka, por ky i fundit prej javësh ndodhet pas hekurave për këtë aferë.
Pjesë nga diskutimi:
Jorida Tabaku: 14-18 shkurt do të thirren ekspertët, pastaj deri në 25 shkurt kryeministri dhe ministrat dhe ish-ministra.
Ermonela Felaj: Ne ramë dakord, duke pasur edhe dëshmitarë që nuk mund të jenë prezent në një ditë dhe një kohë të caktuar, ajo që dua të shpreh tjetër ka të bëjë me faktin që thirrjet ti bëjmë në kohën e duhur.
Jorida Tabaku: Lefter Koka është përpara drejtësisë, ne do e dërgojmë shkresën, kemi 3 persona që janë në kërkim, që nuk dimë se ku do i dërgojmë shkresat, do ua çojmë administratorëve.
Discussion about this post