Komisioni Qendror i Zgjedhjeve ka njoftuar përfundimin e rinumërimit për 45 kutitë e fundit në qarkun e Vlorës.
Në total janë verifikuar 519 qendra votimi nga ku është konfirmuar se komisionerët kanë tjetërsuar votat e shqiptarëve në zgjedhjet e 25 Prillit. Tjetërsim të votave është konstatuar për disa kandidatë kryesisht nga dy partitë më të mëdha në vend.
Në Partinë Socialiste Rama ka marrë 16 vota më tepër, Damian Gjiknuri 39 vota dhe Anila Denaj 20 vota. Për këta kandidatë janë quajtur më tepër vota nga çfarë kishin marrë.
E njëjta situatë është pak a shumë dhe tek kandidatët e të djathtës ku dhe aty ka pasur tjetërsim vote. Bujar Leskajt i janë hequr 10 vota nga numëruesit, Ina Zhupës i janë shtuar 26, ndërsa Vangjel Anagnostit i janë shtuar 40 vota më tepër.
Po ashtu dhe na partitë e tjera ka diferencë të vogël të votave në krahasim me zgjedhjet e 25 Prillit.
