Policia ka blinduar uzinën e Poliçanit e cila dikur shërbente për prodhimin e armëve dhe municioneve, pas ndalimit të katër të huajve nga Çekia që po fotografonin. Bëhet fjalë për katër shtetas europianë, prej tyre dy burra dhe dy gra që kanë shkrepur foto në tunelin që të çon drejt uzinës së Poliçanit.
Dyshimet janë se ata kanë dëmtuar çelësin e tunelit që të çon drejt uzinës duke rritur dyshimet e policisë të cilët kanë bërë menjëherë shoqërimin e tyre drejt komisariatit.
Ngjarja dyshohet se ka ndodhur në orën 03:00 të mëngjesit të sotëm dhe është vënë re nga roja. Aktualisht në Berat ka mbërritur Drejtori i Policisë së Beratit, Policia Ushtarake dhe dy furgona të FNSH.
Arrestimi vjen një ditë pas incidentit të ndodhur në Gramsh ku dy shtetas rusë dhe një ukrainas u arrestuan pasi tentuan të futen në uzinën e armëve dhe sulmuan me spraj dy rojet që po ruanin godinën.
Discussion about this post