Kolegji Zgjedhor vendosi sot ribërjen e zgjedhjeve në Bashkinë e Rrogozinës atje ku pritet të përballen sërisht Edison Memolla nga PS dhe Shkëlqim Hoxha nga “Bashkë Fitojmë”. Gjithsesi nëse do të ketë ankim ndaj vendimit të Kolegjit, do të pritet se çfarë do të vendosë Gjykata e Apelit.
Në një prononcim për Panorama TV, kandidati i koalicionit “Bashkë Fitojmë”, Shkëlqim Hoxha, tha se fushata e tij do të jetë dhe më e egër.
Hoxha tha se demokratët duhet të bashkohen në mënyrë që të gjejnë një zgjidhje që kënaq të gjitha palët.
“Nuk më vjen mirë që ta shoh partinë time të ndarë, shpresoj që liderit do e gjejnë mirëkuptimin dhe një zgjidhje që do kënaqë të gjitha palët e të jemi një.
Liderët duhet të diskutojnë, përçarja nuk na çon askund. O reagojnë ose do rrinë të presim me vite, fushata e 14 majit e tregoi, nuk është gjendja reale kjo në popull. Populli ka urrejtje, rezultati nuk reflekton gjendjen reale të votave. Do jetë fushatë më e egër, programin tim e kam shpallur në fushatë”, tha Hoxha.
Discussion about this post