Ish-deputeti i PD-së, Arben Ristani ka akuzuar sot Bashën se, përmes veprimeve të tij ka favorizuar Ramën, ndaj dhe sipas tij baza e konsideron atë “tradhtar”. “Foltorja është politike, por defektet duhet t’i diskutojnë demokratët në kuvend. Çështja është që Bashën ne e kemi biseduar dhe ai nuk mund të merret seriozisht sepse nuk është i qëndrueshëm. Ai ka bërë dhe libër që thotë nuk e vrasë babin dhe pastaj doli e kundërta. Pastaj doli e tha që unë e dua shumë babin po skam ca ti bëj Amerikës, pastaj doli tha këta janë trekëndëshi i Bermudës. Ai është një tokë e kripur nuk prodhon asgjë.
Kur çdo veprim i Bashës ka favorizuar Ramën, foltorja i thotë me të drejtë “tradhtar”. Ai etiketohet tradhtar sepse ai ka çuar ujë te Rama”, tha ai. Sakaq, ai u shpreh se Kuvendi nga Berisha do të mblidhet dhe vazhdojë punën për të ringritur PD.
