Këngëtarja shqiptare me famë botërore, Rita Ora, e shoqëruar nga i dashuri i saj, Taika Waititi, mori pjesë të hënën në “Walpole British Luxury Awards”, që u mbajt në “The Dorchester”.
Rita fitoi çmimin “British Artistic Icon Award”, në vlerësim të stilit të saj si një ikonë e modës në Mbretërinë e Bashkuar.
Ajo e ndau këtë lajm të gëzueshëm me fansat në Instagram, teksa publikoi disa fotografi nga ceremonia.
“’British Artistic Icon Award’, kaq e nderuar, faleminderit që më patët mua ‘British Luxury Awards’”, shkroi Rita Ora.
Ora në këtë mbrëmje u paraqit me një fustan shumë të veçantë, i cili në qëndisje kishte edhe disa elemente tradicionale shqiptare.
Bëhet fjalë për pjesën e kraharorit, lulet e së cilës ngjasojnë me veshje tradicionale të grave të Hasit, si dhe detajeve me arë të punuar rreth duarve, të cilat janë tipike të veshjeve me motive kombëtare.
Rikujtojmë se Rita Ora e ka promovuar kulturën dhe traditat shqiptare, edhe në klipin “Guna”, me anë të një kostumi popullor, i cili do të ekspozohet në Muzeun Etnografik të Tiranës, që bashkia do ta krijojë brenda godinës së “Sarajeve të Toptanëve”.
Discussion about this post