Bashkim Rajku babai i reperit Noizy po shikon dëmet që mbetën pas shpërthimit me tritol në dy bizneset e tij.
Në lokal dhe në dyqan u vendos lënda plasëse e cila la pas shumë dëme. Mëngjesin e sotëm ka nisur dhe pastrimi i ambientit. Siç shihet edhe në foto, dritaret dhe muret kanë pësuar dëme të konsiderueshme.
Noizy dhe babai i tij janë kallëzuar nga Cllevio pas rrahjes së dy ditëve me parë pranë ambienteve të lokalit të reperit në Durrës. Policia ka nisur procedimin penal ndaj Rongels Rajkut, i njohur si Noizy dhe babait të tij, Bashkim Rajku për fyerje.
Kujtojmë që ngjarja ka ndodhur pasi Cllevio ka shkuar pranë lokalit të Noizy-t, ku më pas situata ka agravuar në përplasje fizike. Gjithçka besohet se ka filluar, teksa Cllevio ka filluar të ofendonte reperin dhe grupin e tij OTR prej disa muajsh. Noizy reagoi për ngjarjen duke thënë:
“Mos ma merr mirësjelljen tim për dobësi, gëzoj respekt nga e gjithë bota dhe shpeshherë anashkaloj njerëz pa tru dhe moral. Por kjo s’do të thotë asnjë moment që mund ta teprosh deri në pikën ku ti kushdo qofsh të ofendosh familjen time ose familjarët e rrethit tim, jam djalë me tradita dhe zakone shqiptari. Ju lutem mos e harroni kurrë këtë gjë. Jeta vazhdon”, shkroi Noizy.
Discussion about this post