Një nga risitë e projektbuxhetit është dhe rifutja në skemën e akcizës të naftës që përdoret për jahtet. Sipas Aranita Brahaj, drejtoreshës ekzekutive e Open Data Albania, ky detaj tregon në fakt një dukuri shqetësuese për disa nga iniciativat e qeverisë. Ajo tha sot gjatë një interviste televizive se, në të vërtet qeveria krijon më shumë lehtësia për këto kategori dhe më pas justifikohet me faktin se nuk ka qenë ligj i studiuar mirë.
“Nuk e di se çfarë efekti financiar mund të ketë, por ajo që me shqetëson në këtë detaj është që krijojmë lehtësira duke menduar se rrisim atraksionin për turizmin elitar, dhe po e njëjta qeveri thotë se kjo nuk ishte e studiuar siç duhet, nuk kishte efekte, dhe fillon e bën korrigjime që nuk dihet se çfarë efektesh do të kenë. Kemi tentuar të jemi atraktiv dhe tani themi jo se jahtet ato vijnë vetëm për të bërë furnizim dhe nuk na leverdis”, tha ajo.
Sipas saj, ky nuk është i vetmi rast, duke përmendur edhe atë me gazin e automjeteve. I është lënë konsumatorëve mundësia e blerjes së makinave me gaz, duke përfituar nga kosto e ulët, dhe tani rritet tarifa
Discussion about this post