Grabitet një pikë karburanti në Bulqizë. Policia bën me dije se dy persona ende të paidentifikuar dyshohet se kanë vjedhur një shumë parash në pikën e karburantit të personit të identifikuar me iniciale Q. J ., në aksin rrugorë Bulqizë-Shupenzë.
Grupi hetimor ka nisur punën dhe po punon për identifikimin dhe kapjen e autorëve.
Kujtojmë që vetëm në ditë më parë është grabitur me armë zjarri shtëpia e noterit Tomi Kaci në Sarandë. Ngjarja ka ndodhur në lagjen nr.4., ku disa persona të armatosur me kallashnikov kanë hyrë në apartamentin e noterit 63- vjeçar.
Nën kërcënimin e armës maskat kanë lidhur familjarët dhe kanë arritur të marrin 20 milion lek te vjetra dhe dy çelësa automjetesh.
Theksojmë se noteri nuk ka pësuar dëmtime dhe ndodhet në gjendje të mirë shëndetësore.
