Ish-kreu i Partisë Demokratike, Lulzim Basha në një prononcim të shkurtër për mediat pasi doli nga Kuvendi tha se do të jetë pjesë e fushatës në të gjithë Shqipërinë.
Basha bëri përgjegjës Sali Berishën për situatën në të cilën ndodhet sot Partia Demokratike.
”Përgjegjës është ai që ka përçarë PD. Nuk kam më asnjë koment tjetër për sot. Patjetër që do të jem pjesë e fushatës në të gjithë Shqipërinë”, tha Basha.
Basha u pyet edhe lidhur me auditimin e publikuar nga Rithemelimi sot dhe burimin e parave ruse.
“Le të pyesë listën e të ftuarve në listën e tij familjare”, u shpreh Basha.
Pas mbledhjes së zhvilluar një ditë më parë kryetari i komanduar i PD, Enkelejd Alibeaj njoftoi se PD do të garojë me kandidatët e saj në 16 bashki, ndërsa janë ende në diskutim kandidati për bashkinë e Bulqizës dhe Vaut të Dejës.
Discussion about this post