Duke filluar nga sot në Maqedoninë e Veriut hyrja në ambiente të mbyllura dhe private do të bëhet vetëm me certifikatë vaksinimi, përkatësisht pajisja me dokumentacion që dëshmon vaksinimin me të dyja dozat e vaksinës.
Maqedonia prej disa ditësh ndodhet në javën e dytë të valës së re, por vetëm tani autoritetet vendosën përforcim të masave. Covid-19 ka regjistruar 2 viktima në Maqedoninë e Veriut dhe 285 persona të infektuar, sipas përditësimit më të fundit nga Ministria e Shëndetësisë.Instituti për Shëndet Publik ka regjistruar po ashtu 328 pacientë të shëruar. Në 24 orët e kaluara janë regjistruar pesë viktima. 2 persona të vdekur nga Shkupi dhe Velesi dhe një i vdekur nga Berova.
Prej fillimit të pandemisë, numri i personave të infektuar është 209.277. 193.400 janë të shëruar, ndërsa në total janë regjistruar 7328 viktima
“Ministria e Shëndetësisë informon se duke filluar nga 15 nëntori 2021 për të hyrë në objekte të mbyllura është e nevojshme të keni certifikatë për imunizim të plotë, përkatësisht të tregoni dokumentin se keni marrë dy doza të vaksinave kundër virusit korona. Ose duhet të posedoni vërtetim që dëshmon se keni kaluar infeksionin me CoVid-19 në 45 ditët e fundit, duke filluar nga dita e parë e shërimit”, thuhet në njoftimin e Ministrisë së Shëndetësisë.
Discussion about this post