Ditën e sotme në orën 13:45 në stadiumin ‘Selman Stërmasi’ Tirana priti Laçin në sfidën e javës së katërt të Superligës Shqiptare.
Kryeqytetasit e Orges Shehut ashtu si edhe miqtë erdhën në këtë takim nga barazimet në ndeshjet e mëparshme.
Që në startin e takimit Tirana u hodh në sulm me Ngo, por anësori e cilësoi anglezin si më të avancuar duke e quajtur golin të pavlefshëm. Rastet nuk munguan nga të dyja anët deri në përfundim të pjesës së parë por rrjetat mbetën të paprekura.
E gjithë paraqitja pozitive për kryeqytetasit duket se ishte rezervuar për pjesën e dytë, ku në minutën e 53’, pas një harkimi të Seferit, Roganoviç për kurbinasit e dërgon topin në rrjetë, duke i dërguar shifrat në 1-0 për bardheblutë e Orges Shehit.
Sërisht ‘macja e zezë’ për Laçin do të bëhej Roganoviç që si pasojë e një autogoli do të thellonte humbjen e kurbinasve me rezultatin që shkoi në 2-0.
Pas tre pikëve të arta të ‘dhuruara’ nga Laçi, tani Tirana momentalisht pozicionohet në kreun e tabelës së Superligës Shqiptare.
