Rohde: Kosova e Serbia të zbatojnë marrëveshjen për të zhdukurit

Ambasadori gjerman në Kosovë, Jorn Rohde, i është bashkuar thirrjes së OSBE-së, që palët të implementojnë marrëveshjen e arritur më 2 maj, për Personat e Zhdukur me Forcë.

Kërkesa e Rohde, vjen pikërisht sot kur shënohet Dita Ndërkombëtare e të Zhdukurve.

”Në Ditën Ndërkombëtare të Viktimave të Zhdukjeve me Forcë, unë bashkohem me OSBE-në duke kërkuar zbatimin e shpejtë të marrëveshjes së lartpërmendur.

Më shumë se 1600 njerëz janë ende të zhdukur, secili prej tyre një vlerë”, shkruan ai

Më shumë se dy dekada pas përfundimit të luftës, në Kosovë vazhdojnë të mungojnë edhe mbi 1600 persona, të zhdukur me dhunë.