Në Itali mediat raportojnë se është arritur akordi për rinovimin e kontratës së Marash Kumbullës me klubin e Romës. Mbrojtësi i kombëtares shqiptare, është pjesë e kryeqytetasve prej shtatorit të vitit 2020.
Kontrata aktuale i përfundon në verën e vitit 2025. Agjentët e tij po bisedojnë prej ditësh me drejtuesit e Romës dhe akordi final është arritur.
23-vjeçari, i cili fiton rreth 1.8 milion euro në sezon, do të firmosë deri në vitin 2027 me klubin kryeqytetas. Kumbulla numëron 10 ndeshje aktivizim gjatë këtij sezoni në të gjithë kompeticionet.
Kumbulla ka shlyer pezullimin pas kartonit të kuq të marrë në takimin me Sassuolon dhe do të jetë në dispozicion të Jose Mourinhos për takimin ndaj Torinos.
Kumbulla luajti ndeshjen numër 18 me kombëtaren e Shqipërisë në Poloni. Kuqezinjtë humbën 1-0, ndërkohë që mbrojtësi zhvilloi një ndeshje pozitive.
Discussion about this post