Paris Saint-Germain po punon për të zgjidhur sa më shpejt ‘rastin Mbappe’. Klubi francez është hedhur në merkato në kërkim të një zëvendësuesi të mundshëm për yllin e saj, por kanë hasur në këtë komplikim.
Skuadra franceze kishte vënë në shënjestër Dushan Vlahovic, por komplikimet shëndetësore të lojtarit nga ish-Jugosllavia e kanë penguar operacionin e blerjes së tij. Kjo ka bërë që ata të kërkojnë një objektiv të ri në merkato, duke i bërë vizitë klubit italian të Atalantës së Bergamos.
PSG është nisur në minutën e fundit drejt Rasmus Hojlund, por klubi parizien mund të jetë vonë për operacionin. Sulmuesi danez është një nga atraksionet më të mëdha në treg dhe ka disa klube që janë interesuar për shërbimet e tij.
Përveç rekordmenëve transalpinë, është një ekip anglez që ka një avantazh të konsiderueshëm dhe mund të evitojë transferimin e tij te PSG. Bëhet fjalë për Manchester United, i cili ka bërë ofertën e parë për sulmuesin e Atalantas dhe po kryeson garën për “Haalandin e ri”.
PSG ka filluar kontaktet për lojtarin kohët e fundit dhe megjithatë, kjo qasje mund të vijë vonë. Përveç kësaj, Djajtë e Kuq tashmë kanë rënë dakord me kushtet e kontratës së re të Hojlund dhe e vetmja gjë për të bërë është të arrihet një marrëveshja me klubin italian.
Kjo mund të vonojë edhe më shumë transferimin e mundshëm të Mbappes te Real Madridi, pasi nëse nuk arrijnë të mbyllin operacionin për zëvendësuesin e tij, sheikët nuk do t’i japin dritën jeshile shitjes së tij.
PSG-ja do të kërkojë të bindë Hojlundin në momentin e fundit, por duket e vështirë të mund ta kthejë operacionin e tij me Manchester United.
Discussion about this post