Romeo ndahet nga vajza e Peleshit? Ja veprimi që bëri

Aleksia, vajza e ministrit të Mbrojtjes, Niko Peleshi, prej disa kohësh është në qendër të medias rozë, për shkak të lidhjes së saj me aktorin e humorit, Romeo Veshaj.  Aleksia ishte e ftuar ditën e djeshme në emisionin “Hajde Flasim”, me Aulona Mustën, ku ka folur për projektet që po merret momentalisht.

“Më pëlqen të eksploroj pasione të ndryshme dhe nuk kam një ide të qartë se kush do jem në të ardhmen, por që jam e shpërndarë mes politikës, aktrimit, arteve, shkrimit dhe degës që po bëj”- u shpreh ajo.

Ndërkohë, në lidhje me luftën Rusi-Ukrainë, Peleshi i ka dhënë një mesazh në rusisht presidentit Vladimir Putin.

“Nuk i fola shumë mirë, i thash me pak fjalë që është bërë njeriu më i urryer në botë dhe është bërë njeriu më i urryer edhe për vetë rusët. I thashë që lufta e tij nuk është vetëm me ukrainasit, por edhe me njerëzimin dhe në fund i thash shpresoj që për një copë toke t’ja vlejë që të marrësh vetë jetën e njerëzve të tu”- tha vajza e politikanit, duke e thënë këtë mesazh dhe në gjuhën ruse.

Aleksia foli edhe për lidhjen e saj me aktorin e humorit Romeo Veshaj, si dhe arsyen pse e bëri këtë marrëdhënie publike.

“Ka qenë një veprim shumë i nxituar që ta bëja publike dhe të flisja aq me detaje për marrëdhënien time. Unë jam person që më pëlqen të shprehem dhe nuk i fsheh emocionet e mija dhe nëse është nevoja i them para një Shqipërie të tërë, por që më mirë mos ta kisha bërë”- tha ajo.

“Po të mos e kishe bërë, un nuk do të pyesja tani se pse nuk e ke më folloë Romeon në ‘Instagram’”- i tha Aulona.

“Nuk flas më për këtë temë, sepse njerëzit mendojnë se jeta ime rrotullohet rreth tij. Sa herë unë flas dy orë dhe flas dy minuta për të, njerëzit thonë ja, kjo vetëm për këtë di të flasi”, u shpreh Peleshi në lidhje me aktorin.

Kujtojmë që gjatë një interviste tjetër ajo ka treguar për herë të parë se si reagoi babai i saj, kur e pranoi publikisht se ishte e dashuruar me Romeon.

Tepërt krenare, ajo tregon se i ati e ka mbështetur dhe e ka këshilluar që t’i mbaj gjërat private, nisur nga fakti që është personazh publik.

 “ Unë e kam pasur gjithmonë mbështetjen dhe mirëkuptimin e babit për sa i përket lidhjes. Sigurisht më ka sugjeruar që t’i mbaj gjërat sa më private, pavarësisht se unë nuk e kam ndjekur këtë këshillë dhe kam bërë gabim”, ka thënë bukuroshja.