Ylli i Kombëtares portugeze, Cristiano Ronaldo do të debutojë sot me Manchester United. Momenti i shumëpritur për tifozët e ‘Djajve të kuq’ ka ardhur.
Ronaldo rikthehet kështu pas 12 vitesh te United për të bërë debutimin e tij të dytë me ta, në ndeshjen e Premier League kundër Newcastle.
Kjo ndeshje ka marrë vëmendjen e të gjithë ndjekësve të këtij sporti në të gjithë botën dhe ora 16:00 pritet të mbajë të gjithë para televizorit, teksa tribuna e shtypit do jetë e mbushur me gazetarë nga e gjithë bota.
Ndërkohë nga mediat britanike raportohet se biletat për këtë takim janë shitur të gjitha dhe në mënyrë shumë të shpejtë.
Trajneri i United, Ole Gunnar Solskajer njëkohësisht edhe ish-shok skuadre i portugezit në kohën kur ka qenë te ky ekip është shprehur shumë i emocionuar.
“Jemi të gjithë shumë të lumtur për rikthimin e Ronaldos dhe mezi pres orën e ndeshjes nesër. Ka bërë një fazë përgatitore shumë të mirë dhe ka luajtur edhe me kombëtaren portugeze, ndaj do të jetë gati për të luajtur edhe nesër ndaj Newcastle”,-tha tekniku norvegjez./Gijotina.com
