Sulmuesi i Manchester United, Cristiano Ronaldo u shpreh së fundmi se ai vazhdon të heshtë kritikët, duke iu referuar kështu kapitenit të Juventusit, Giorgio Chiellini dhe Bonuccit, duke thënë se: “Unë fitoj gjithçka, kështu që a do të shqetësohem për njerëzit që thonë gjëra të këqija për mua?”
Dyshja e Juventusit, Giorgio Chiellini dhe Leonardo Bonuçi së fundmi komentuan largimin e Ronaldos këtë verë dhe kapiteni i Italisë ishte veçanërisht kritik për kohën e lëvizjes.
Chiellini theksoi se kalimi i Ronaldos te Manchester United ‘tronditi’ sistemin e Juventusit, ndërsa Bonucci shtoi se ‘Bardhezinjtë’ ‘i shërbyen në mënyrë të pandërgjegjshme’ kapitenit të Portugalisë.
Duke folur për ‘Sky Sports UK’ për kritikën, Ronaldo zbuloi se bën gjumin i qetë dhe u zotua se do të vazhdojë të heshtë kritikët.
“Unë e di kur ekipi ka nevojë për ndihmën time në mbrojtje, por roli im në klub është të fitoj, të ndihmoj dhe të shënoj gola, është pjesë e punës sime”,-theksoi Ronaldo.
Më tej ai ka shtuar se kritikë janë njerëzit që nuk e duan, teksa theksoi se ai vetë është shumë i qetë.
“Njerëzit që nuk duan ta shohin këtë është sepse nuk më duan, por të jem i sinqertë, unë jam 36 vjeç, unë fitoj gjithçka, kështu që a do të shqetësohem për njerëzit që thonë gjëra të këqija për mua? Unë fle mirë natën. Unë shkoj në shtrat me ndërgjegjen time shumë të qetë. Vazhdoni me këtë sepse unë do të mbyll gojët dhe do të fitoj gjëra. Kritika është gjithmonë pjesë e punës. Unë nuk jam i shqetësuar për këtë dhe e shoh si një gjë të mirë të jem i sinqertë. Nëse shqetësohen për mua ose flasin për mua, kjo është sepse ata e dinë ende potencialin dhe vlerën time në futboll. Kështu që është mirë. Unë do t’ju jap një shembull: nëse jeni në shkollë dhe jeni nxënësi më i mirë, pyesni nxënësin më të keq nëse i pëlqen më i miri, ata do të thonë se nuk e pëlqejnë atë.”-shtoi sulmuesi.
Ronaldo u largua nga Juventusi me dy kupa të Serisë A, një Kupë dhe dy Superkupa të Italisë, duke shënuar 101 gola në 134 ndeshje konkurruese me ‘Bardhezinjtë’.
Ai ka vazhduar të shtojë numrin e tij në Manchester United, me gjashtë gola në tetë ndeshje që nga kthimi në ‘Old Trafford’./K.T/Gijotina.com
