Takimi ndërmjet agjentit të Ronaldos dhe drejtuesve të Juventusit nuk solli asnjë risi megjithatë nga Spanja vijnë lajme të bujshme. E përditshmja spanjolle “AS” informon se pesë herë fituesi i “Topit të Artë” ka arritur marrëveshjen verbale me drejtuesit e Manchester Sitit për kontratën si dhe termat financiare.
Anglezët synojnë të mos shpenzojnë asnjë qindarkë për Cristianon pasi preferon që të përfshijë lojtarë në shkëmbim. Juventus dëshiron kartonin e Gabriel Jesus por Siti ende nuk ka dhënë ende aprovimin.
Mbetet të shihet në orët në vazhdim nëse lajmi do të konfirmohet nga burime të tjera të besueshme. Për Cristianon do të ishte një rikthim ne kampionatin anglez ku fillimisht ka luajtur me skuadrën rivale të qytetit, Manchester United.
