Cristiano Ronaldo u rikthye pas 12 vitesh tek skuadra e Manchester United pas aventurave me Real Madrid dhe Juventus. Luzitani u transferua në ishull për shifrën e 28 mln eurove ndërsa ka firmosur një kontratë dy vjeçare si dhe do të jetë lojtari më i paguar në Premier League. Aktualisht luzitani ndodhet në vendlindje ku është i grumbulluar me përfaqësuesen në vigjilje të ndeshjeve kualifikuese të botërorit “Katar 2022”. Prezantimi i Ronaldos do të bëhet pas aventurës së kombëtareve. Gjatë ditës së sotme, skuadra e Manchesterit ka publikuar një foto të Ronaldos me fanellën e “djallit” por duke mos treguar numrin mbi shpinë. Sipas mediave angleze, Ronaldo do të vesh fanellën me numrin 7 e cila aktualisht mbahet nga Cavani ndërsa ky i fundit ka pranuar ta lërë të lirë këtë numër për pesë herë fituesin e “Topit të Artë.
