Ronela Hajati dëshiron të jetë me çdo kusht pjesë e skenës së Eurovizionit që këtë vit do të zhvillohet në Liverpool. Këngëtarja, këtë herë nuk do përfaqësojë Shqipërinë, duke parë që nuk ka fituar Festivalin e Këngës 2022 që shërbeu si fazë kualifikuese drejt mega-eventit.
Aktualisht, Ronela po konkurron në festivalin ‘Una Voce per San Marino’, i cili përzgjedh këngën për të përfaqësuar San Marinon në ‘Eurovizion 2023’.
‘Iconstyle’ mëson se Ronela do ngjitet në skenë në 23 Shkurt për të kënduar. Siç shihet nga lista, artistja është e vetmja nga Shqipëria ndërsa vihet re se shumica janë nga Italia.
Ashtu sikurse Ronela, në San Marino ka edhe pjesëmarrës që kanë provuar një herë skenën e Eurovizion për vendet e tyre të lindjes. Bëhet fjalë për: Ciro de Luca nga Rumania, Alfie Arcuri nga Australia, Nicole Hammett nga Malta, Erna Hrönn nga Islanda dhe Jenny May nga Letonia.
Duke parë mungesën e këngëtarëve dhe artistëve cilësorë, mini-shteti i beson këngëtarëve të huaj për të qënë pjesë e festivalit të Eurovisionit.
Discussion about this post