Amir Rrahmani është një titullar i padiskutueshëm tek skuadra e Napolit. Trajneri Luçiano Spaleti deklaroi pak ditë më parë se shqiptar po kalonte një formë brilante dhe se e meritonte plotësisht të luajë nga minuta e parë çdo ndeshje. Sot ka ardhur edhe reagimi i vetë futbollistit i cili ka deklaruar:
“Po bëjmë të gjithë një punë të mirë, si skuadër, edhe falë stafit. Po i marrim ndeshjet me radhë. Për momentin nuk po shohim shumë larg pasi e dimë së kampionati është shumë i gjatë. Rruga që duhet përshkuar është e gjatë ndaj për këtë arsye i marrim ndeshjet me radhë.
Spaleti i përgatit shumë mirë ndeshjet. Kur përballemi me një kundërshtar, i dimë pikat e tij të dobëta. Po ndjekim udhëzimet e tij. Trajneri çdo ditë më jep këshilla në stërvitje. Duken si detaje të vogla në atë moment, por nëse i bashkojmë bashkë, atëherë bëhen të rëndësishme”, tha Rrahmani për mediat italiane.
