Ylli Kosovar i kombëtares së Zvicrës, Granit Xhaka ka bërë një rrëfim, ku në fokus ka qenë Federata Shqiptare e Futbollit.
Në rrëfimin e tij, ai ka treguar se së bashku me vëllanë, Taulantin, u përpoqën të afroheshin te Kombëtarja kuqezi, por nuk u konsideruan të vlefshëm.
Xhaka ka theksuar se nuk pati kurrë interesim nga federate shqiptare, ndërkohë që ka shtuar se ka qenë vetëm ish-kapiteni legjendar i kombëtares shqiptare, Lorik Cana ai që është interesuar për të dhe e ka telefonuar.
“Isha shumë i ri, ndoshta 16 vjeç, kur babai na ka ofruar mua dhe Taulantin në Kombëtaren e Shqipërisë, por nuk ka pasur interesim. I vetmi person që më ka thirrur mua në Kombëtaren e Shqipërisë dhe që nuk ia harroj kurrë, madje kam shumë respekt për të, është Lorik Cana. Më ka marrë në telefon dhe më ka pyetur: Si është situata? Kaq. Ndërsa prej federatës nuk ka pati kurrë asnjë interesim. Ndërsa me Zvicrën është ndryshe, pasi pata interesim konkret. Isha i ri, nuk pata shumë kohë të mendohem, por duhet të më kuptoni se kur të ulet me ty një trajner legjendar si Otmar Hicfeld, atëherë natyrisht që fillon ta mendosh seriozisht. Na kanë pritur shumë mirë dhe u jemi mirënjohës përjetë. Ama kjo nuk do të thotë kurrsesi se Graniti është kundër Shqipërisë. Kurrsesi. Unë jam shqiptar dhe gjakun e kam shqiptar”, tha Xhaka.
Discussion about this post