Sulmuesi i Sevillas, Papu Gomez ka treguar së fundmi se trajneri i Atalantas, Gian Piero Gasperini ‘u përpoq ta sulmonte fizikisht’.
Ish -kapiteni u largua nga Atalanta pas një përplasjeje me Gasperinin në Nëntor dhe ishte në gjendje të ngrirë për një lëvizje në një klub tjetër derisa përfundoi te Sevilla.
33-vjeçari, i cili luajti 252 ndeshje konkurruese me Atalantën, tregoi se ai refuzoi të zbatonte urdhrat e Gasperinit gjatë ndeshjes Champions League me Midtjylland dhe marrëdhënia midis tyre u përkeqësua që nga ai moment.
“Kam bërë diçka të gabuar,” tha Gomez për ‘La Nacion’. “Supozoj se ishte sepse nuk iu binda ndryshimeve taktike në ndeshjen e Champions League kundër Midtjylland.
“Kishin kaluar 10 minuta në pjesën e parë dhe trajneri më kërkoi të lëvizja në të djathtë, ndërsa unë isha shumë mirë në të majtë. Unë thash jo. Unë imagjinoj se jam përgjigjur kështu, në gjysmë të ndeshjes dhe para kamerave u krijua situate perfekte që që ai të zemërohej. Në atë moment kuptova se do të zëvendësohesha në pjesën e parë dhe kështu ndodhi. Në dhomën e zhveshjes, ai tejkaloi vijën dhe u përpoq të më sulmonte fizikisht.”-u shpreh lojtari.
Ndërsa më tej sqaroi se çfarë kishte folur me presidentin e klubit dhe ecurinë e ngjarjeve.
“Atëherë thashë mjaft. Ne mund të argumentojmë, mirë, por agresioni fizik është i patolerueshëm. I kërkova një takim me Presidentin Antonio Percassi dhe i thashë se nuk do të kisha probleme për të ecur përpara. E kuptova që bëra një gabim, se si kapiten nuk isha sjellë mirë dhe se kisha qenë një shembull i keq duke mos iu bindur trajnerit, por gjithashtu i thashë se doja një falje nga Gasperini. Të nesërmen pati një takim me të gjithë ekipin. I kërkova falje trajnerit dhe shokëve të skuadrës për incidentin, por nuk kam marrë asnjë falje. Si duhej ta kuptoja këtë? Isha gabim dhe ai bëri diçka të drejtë? Gjithçka filloi aty. Pas disa ditësh, i thashë Presidentit se nuk doja më të punoja me Gasperinin në Atalanta. Ai u përgjigj se nuk do të më linte të shkoja dhe për këtë arsye filloi një tërheqje për të cilën e pagova. Përfundova jashtë skuadrës ”.-tha ndër të tjera ai./Gijotina.com
