FIFA do të diskutojë një kërkesë për të rritur kohën e pushimit nga 15 në 25 minuta mes pjesëve të ndeshjeve, në mënyrë që gjatë kësaj kohe të prezantohet argëtimi i stilit Super Bowl.
Kjo ide erdhi nga CONMEBOL, i cili besonte se do të përfitohej nga garat e tyre, siç është Copa Libertadores, finalja e të cilit do të luhet mes Palmeiras dhe Flamengo këtë të shtunë.
Ky ndryshim do i mundësonte futbollit anglez të prezantojë gjithashtu shfaqje në pushimin e pjesës së parë, të tilla si muzikë live në mes të finales së Kupës FA në stadiumin Wembley.
Megjithatë Bordi i Shoqatës Ndërkombëtare të Futbollit (IFAB) do të mblidhen të enjten për “Takimin e tyre Vjetor të Biznesit”, të kryesuar nga organi më i lartë në futboll, FIFA.
‘Sportsmail’ raporton se kjo gjë do të diskutohet në fund të mbledhjes virtuale të këtij bordi me FIFA-n.
Ndonëse kërkesa e CONMEBOL duket e pamundur të mbështetet, me panelet këshilluese të IFAB që kanë shprehur tashmë shqetësimet e tyre se një periudhë më e gjatë pasiviteti mund të rrisë rrezikun e lëndimeve të lojtarëve.
Këtë ide CONMEBOL e justifikoi duke thënë se qëllimi i tyre ishte të përmirësonin spektaklin për tifozët, duke thënë se transmetimi televiziv i shfaqjeve të pjesës së parë është pritur shumë mirë në sportet e tjera në mbarë botën.
Si edhe duke thënë se në këtë mënyrë trajnerët do kenë më shumë kohë në dispozicion që të përgatisin ekipet e tyre për pjesët e dyta.
Megjithatë një kohë e tillë pritjeje mund të mos marrë pëlqimin e tifozëve, të cilët edhe ndërprerjen aktuale e shohin si kohë të gjatë./K.T/Gijotina.com
Discussion about this post