Fituesit e Festivalit Sanremo 2022, Mahmood dhe Blanco janë dyshja më e komentuar dhe më e dashur e kohëve të fundit.
Me këngën e tyre “Brividi”, dy italjanët arritën majat e suksesit. Në fakt, kënga u bë virale në një kohë shumë të shkurtër dhe zuri vendin e parë në top listat muzikore.
Mirëpo, së fundmi, ata janë hasur me një problem të paparashikuar lidhur me këngën e tyre fituse të “Sanremo 2022”.
Për të marrë pjesë në “Eurovision”, këngëtarët tashmë do të detyrohen të modifikojnë këngën pasi kjo e fundit nuk respekton disa rregulla të kërkuara për të hyrë në garë. Në detaje, këto janë arsye të kohëzgjatjes.
Ata janë të detyruar që ta shkurtojnë këngën deri në 3 minuta, pasi asnjë këngë nuk duhet të jetë më e gjatë se aq në kompeticion.
Kështu, dy artistëve u duhet të presin rreth 30 sekonda nga kënga që të hyjnë zyrtarisht në garë.
Mirëpo ishte vetë Mahmood, i cili u shpreh se kjo gjë ishte thuajëse e pamundur për të gjithë, ndaj ata do të sjellin një version të ri të këngës.
“Ka një problem teknik për Eurovision sepse kënga është shumë e gjatë. Ne u munduam ta shkurtojmë në çdo mënyrë të mundshme, por nuk ja dolëm. Por rregulli është strikt dhe nuk bëhen përjashtime. Po bëjmë të pamundurën bashkë me stafin që të heqim 30 sekonda, megjithëse janë shumë për një këngë. Ndaj ‘Brividi’ do vijë në një version tjetër, ndryshe nga ai i festivalit, por premtojmë që do jetë njësoj i bukur”, u shpreh këngëtari.
Discussion about this post