Rreh bashkëjetuesen me grushte dhe tenton ti rrëmbejë fëmijën, shqiptari e pëson keq

Policia italiane ka arrestuar një 28-vjeçar shqiptar, i cili ka tentuar ti rrëmbejë vajzën bashkëjetueses, dhe ta sillte në Shqipëri.

28-vjeçari ka dhunuar bashkëjetuesen e tij dhe më pas ka marrë vajzën duke e kërcënuar se nuk do ta shihte më kurrë. Shqiptari është izoluar në paraburgim, ndërsa rezulton se ka pasur probleme me drejtësinë italiane edhe dy vite më parë për dhunë në familje.

Ngjarja është shënuar në provincën Caserta, ku 28-vjeçari shqiptar ka dhunuar me grushte bashkëjetuesen 38-vjeçare.

“Do iki në Shqipëri, nuk ke për ta parë më kurrë vajzën”,i ka thënë ai, 38-vjeçares para se të largohej.

Mediat italiane raportojnë se gruaja ka njoftuar policinë, të cilët e kanë gjetur shqiptarin te shtëpia e një të afërmi.