Rreth 17 misionarë amerikanë dyshohet se janë rrëmbyer nga anëtarët e bandës së Haiti. Dyshohet se janë rrëmbyer 14 të rritur dhe tre të mitur.
CNN raporton se misionarët po udhëtonin me automjet të shtunën në Titanyen, në veri të kryeqytetit Port-au-Prince, pasi vizituan një jetimore në zonën Croix des Bouquets. Ata dyshohet se u rrëmbyen përgjatë rrugës midis dy vendeve.
Një zëdhënës i qeverisë amerikane tha se ata ishin në dijeni për raportimin e rrëmbimit. “Mirëqenia dhe siguria e qytetarëve amerikanë jashtë vendit është një nga përparësitë më të larta të Departamentit të Shtetit,” tha zëdhënësi, duke mos pranuar komente të mëtejshme.
Në lidhje me këtë lajm nuk ka reaguar ende Ministria e Drejtësisë në Haiti apo Policia Kombëtare.
