Ushtarët rusë kanë rrëmbyer nënkryetarin e bashkisë në rajonin Summy të Ukrainës veriore, sipas deklaratës së kreut të rajonit Dmytro Zhyvytsky. Sipas burimeve për BBC, raportohet se nënkryetari i rrëmbyer është Oleksiy Shibayev.
Ai është rrëmbyer nga rusët teksa po dërgonte ndihma për civilët ukrainas ditën e djeshme, rreth 80 kilometra në veri-perëndim të Summy.
Zona ku nënkryetari u rrëmbye ndodhet afër kufirit rus. Sumy është ende në duart e Ukrainës, por ka qenë vazhdimisht objekt i sulmeve ruse. Një numër zyrtarësh të tjerë lokalë ukrainas janë kapur rob nga forcat pushtuese ruse dhe në disa raste janë zëvendësuar nga bashkëpunëtorë pro rusë.
Discussion about this post