I pyetur nga gazetarët në konferencën e përbashkët për mediat me homologun e tij Viktor Orban, për rrëmbimin e 3 policëve, kryeministri Edi Rama u shpreh se është imediate nevoja, që të tre policët e Kosovës të kthehen në shtëpi.
“Është imediate nevoja që të tre policët e Kosovës të kthehen në shtëpi. Përtej pretendimeve që janë kapur aty apo kanë hyrë atje, për të cilat KFOR nuk do të japë konkluzion publik, është absolutisht e qartë në të gjitha rastet 3 efektivët nuk kanë bërë asnjë krim, edhe nëse do supozohej se kanë shkelur vijën e kufirit, ajo ka një përgjigje, kthimin e tyre në Shqipëri.
Ne jemi fokusuar për ta bërë të mundur, po përdorim të gjitha kanalet që të ndodhë sa më parë.
Zgjidhja e përbashkët është ajo nga përfaqësia euro-atlantike, me pika shumë të qarta dhe të palëvizshëm të de-eskalimit dhe ajo që është më e rëndësishmja, që paqja është në tryezë, dokumnenti i marrëveshjes është në tryezë, për të mbyllur një kapitull shumë të gjatë e të dhimbshëm, dhe ta bëjmë Kosovën një vend të njohur ndërkombëtarisht.
Të bëhet paqja përfundimtare në tryezë, Kosova ka mundësinë e artë e mbështetur nga BE dhe SHBA. Është gjëja më e mirë që mund ti ndodhë Kosovës.
Ajo marrëveshje që është në tavolinë, nuk do të jenë aty përgjithmonë, situatat mund të ndryshojnë.”-deklaroi Rama.
Discussion about this post