Banorët e “5 Majit” vazhdojnë të bëjnë rezistencë për të mos lejuar shembjen e banesave të tyre nga Bashkia. Situata është tensionuar dhe ata po përplasen me policinë, ndërkohë shumë prej tyre janë revoltuar keq dhe i kërkojnë policisë t’iu hap rrugën. Me lot në sy e duke bërtitur banorët e zonës kërkojnë që të mos iu shemben shtëpitë . Me lutje ata iu janë drejtuar forcave të policisë, të cilët kanë krijuar kordon për të mos lejuar futjen e qytetarëve brenda banesave.
“Na u largoni. A keni familje ju a jo? A kështu ju ka mësuar Erion Veliaj? Shkoni te shtëpia e tij” janë disa nga thirrjet që dëgjohen të thuhen nga banorët. Ndërkohë kujtojmë se prej kaq muajsh protestë Bashkia Tiranë nuk ka bërë asnjë reagim , përvese ka hedhur akuza se ata që protestojnë nuk janë banorët e asaj lagjeje. Ndërsa pak javë më parë kryeministri Edi Rama zhvilloi një takim me ta, por në fund nuk iu dha asgjë zgjidhje veçse fjalë boshe.
Discussion about this post