Moti i keq përgjatë këtyre ditëve ka shkaktuar probleme në Vlorë, por edhe në disa fshatra. Në rrugën e lumit, janë shënuar disa shkarje gurësh, pikërisht në afërsi të fshatit Brataj. Në foto duket qartë se prej gurëve është bllokuar njëra nga korsitë, e cila ka shkaktuar vështirësi në qarkullim. Fatmirësisht gjatë atyre momenteve, nuk ka pasur automjete në rrugë të cilat mund të rrezikoheshin. Përgjatë ditës së sotme është punuar për pastrimin e rrugës dhe marrjen e masave në mënyrë për të shmangur incidentet.
