Që nga fillimi i fushatës masive ajrore të Izraelit në Liban, e cila filloi javën e kaluar, rreth 100 000 njerëz janë larguar nga vendi në Sirinë fqinje, tha sot agjencia e OKB-së për refugjatët (UNHCR).
Rreth 60% e tyre besohet të jenë refugjatë sirianë që më parë ikën në Liban në mes të luftës civile që shpërtheu në vendin e tyre në vitin 2011.
“Rreth 40% vlerësohet të jenë libanezë”, tha agjencia me qendër në Gjenevë.
Pas bombardimeve izraelite të Bejrutit, që vrau liderin e Hezbollahut, Hassan Nasrallah, të premten, numri i refugjatëve që mbërrijnë në pikën kufitare veriperëndimore pranë qytetit sirian të Homsit është dyfishuar, sipas OKB-së.
Shumica e njerëzve po ikin përtej kalimit kufitar rreth 70 kilometra në jugperëndim të Bejrutit pranë Damaskut.
“UNHCR dhe partnerët e saj vazhdojnë të rrisin ndihmën për të ardhurit e rinj, duke shpërndarë sende ndihme, ushqime dhe ujë, ndër të tjera, për ata që mbërrijnë në pikat kufitare”, tha ajo.
Rreth 60% e atyre që kalojnë kufirin janë të mitur, sipas OKB-së.
Rreth 1,5 milionë refugjatë sirianë vlerësohej të jetonin në Liban përpara se konflikti midis Izraelit dhe Hezbollahut të përshkallëzohej javën e kaluar.
Discussion about this post