Për rreth 24 orë ishulli i Sazanit, është pushtuar nga flakë masive që e kanë bërë të vështirë ndërhyrjen e zjarrfikësve për neutralizimin e zjarrit.
Mbi 80 efektivë të ushtrisë, zjarrfikësve dhe zonave të mbrojtura kanë punuar intensivisht për shuarjen e zjarrit por nuk kanë arritur dot ta vendosin në kontroll ende.
Rreziku më i madh për ata që po shuajnë zjarrin janë municionet e ngelura nga viti 1997 të cilat mund të shpërthejnë. Megjithatë operacioni vijon ende për shuarjen e flakëve.
Edhe pse Forcat e Armatosura dhe zjarrfikësit ndërhynë gjatë ditës së djeshme për të lokalizuar vatrën, nevoja për ndërhyrje nga ajri ka qenë e domosdoshme.
Ministria e Mbrojtjes teksa bën me dije se që prej mesditës 61 efektivë të Forcës Detare dhe asaj Tokësore, por edhe punonjës të Agjencisë së Zonave të Mbrojtura dhe forcat zjarrfikëse të Vlorës janë angazhuar për shuarjen e flakëve në ishull, evidenton dhe rrezikun e shpërthimit të municioneve.
Ajo që po ndodh sot në ishullin e Sazanit tregon mëse miri se kapacitetet për fikjen e flakëve me anë të ajrit janë zero, pasi deri tani nuk është njoftuar për angazhim të helikopterëve. A do vijojmë serish të marrim me qira nga privatet dhe të presim nga vendet e tjera te BE si vitet e kaluara?
Discussion about this post