Rreth një orë para përfundimit të zgjedhjeve lokale, dega e Partisë Demokratike në Shkodër i ka bërë thirrje qytetarëve të votojnë për të shprehur vullnetin e tyre në përzgjedhin e kryetarit të ri në qytetin verior.
“Votë votë bahet Shkodra ndaj, sa më shumë të votojmë, sa më shumë ta shprehim vullnetin tonë të lire, aq më e drejtë do të jetë kjo vendimmarrje, për Shkodrën tonë, për të gjithë ne Le të bëhemi bashkë të rinj e te reja për të vendosur të ardhmen tuaj! Le të bëhemi bashkë, qytetarë te Shkodrës, nana e motra për ta ndërtu së bashku këtë andërr të bukur që quhet Shkodër. Ju keni dit gjithmonë me zgjedh! Partia Demokratike ju fton tu drejtoheni qendrave të votimit dhe me vullnetin tuaj të lire, me mençurinë e dashninë për Shkodrën të zgjidhni kryetarin e ardhshëm të bashkisë. Vota juaj sot është guri i themelit për rikthimin e shpresës dhe të nesërmen e një Shkodre tjetër, që ju përket vetëm juve”, u shpreh përfaqësuesja e PD.
Ka nisur prej orës 07:00, të mëngjesit të sotëm procesi i votimit për zgjedhjet e pjesshme vendore në 6 bashki të vendit. Në listat e votimit janë rreth 654 mijë shtetas shqiptarë me të drejtë vote që janë ftuar të marrin pjesë në votime për të zgjedhur kryetarët e rinj të bashkive në Vorë, Rrogozhinë, Lushnjë, Shkodër, Dibër dhe Durrës. Qendrat e votimit mbyllen në 19:00.
Discussion about this post