Presidenti ukrainas Volodymyr Zelensky ka folur me kryeministrin britanik Boris Johnson për situatën në tyë cilën shteti ukrainas ndodhet.
Johnson i tha presidentit ukrainas Volodymyr Zelenskiy se do të punonte me aleatët ndërkombëtarë për të marrë më shumë pajisje ushtarake mbrojtëse për të ndihmuar në konfliktin në Ukrainë .
“Udhëheqësit diskutuan nevojat urgjente të Forcave të Armatosura të Ukrainës dhe kryeministri u zotua të punojë me partnerët për të siguruar pajisje të mëtejshme mbrojtëse,” thuhet në deklaratën e lëshuar nga zyra e kryeministrit për telefonatën mes dy liderëve.
Zelensky foli edhe më herët me homologun e tij amerikan Joe Biden për mbështetjen financiare të Uashingtonit për Kievin dhe sanksionet kundër Moskës.
“Në kuadër të dialogut në vazhdim, pata një takim të ri me Presidentin e Shteteve të Bashkuara. “Axhenda përfshinte çështjet e sigurisë, mbështetjen financiare për Ukrainën dhe vazhdimin e sanksioneve kundër Rusisë ”, tha Zelensky përmes Twitter.
Po ashtu ai ka patur një bisede me homologun e tij francez Macron.
Discussion about this post