Protestuesit e mbledhur në ditën e 95-të të aksionit qytetar kanë lënë hapësirën e sheshit para kryeministrisë dhe kanë nisur marshimin përgjatë bulevardit “Dëshmorët e Kombit”.
Me thirrje të njëpasnjëshme kundër kryeministrit Edi Rama dhe kërkesën e prerë për lirimin e 14 protestuesve të arrestuar një natë më parë, turma po përparon e organizuar, duke paralajmëruar rrethimin e selisë së qeverisë sërish.
Organizatorët dhe aktivistët kanë paralajmëruar për të vijuar skenarin e ndjekur gjatë ditës së djeshme ku bllokuan hyrjet kryesore përgjatë kohës që kreu i ekzekutivit ndodhej brenda në zyrë.
Marshimi udhëhiqet nga studentët që iu bashkuan protestës dhe nga vajzat e gratë.
Discussion about this post