Ka 11 sezone që luan si futbollist profesionist dhe ka fituar 10 kampionate kombëtare. Mund të bëhen 11, nëse Bayern i Mynihut konfirmohet si kampion i Bundesliga-s pas një sezoni të trazuar, i cili po rrezikon serinë e pabesueshme të sukseseve të njëpasnjëshme të francezit Kingsley Coman.
Sulmuesi 27-vjeçar ka fituar gjithmonë kampionatin që kur nisi karrierën e tij.
Ishte viti 2012-2013 kur Coman festoi me Paris Saint-Germain titullin e tij të parë kampion, sukses që e përsëriti sezonin pasardhës.
Më pas erdhi transferimi në Torino dhe menjëherë pati sukses me Juventusin, duke fituar “Scudetton” dy herë, përpara se të kalonte në Bavari, ku ngriti 7 herë rresht “Meisterschale” (duke kaluar në janar të 2016 nga Juve te Bayern, ai fitoi dy kampionate kombëtare njëkohësisht).
Objektivi titull kurrë nuk ka qenë në rrezik si këtë sezon për “The King”. Kjo seri e bujshme mund të ndalet: Bayerni, me pesë ndeshje të mbetura në Bundesligë, është i dyti me një pikë pas BVB Dortmund.
Discussion about this post