Gjithmonë flitet për Cristiano Ronaldon, për mirë apo për keq. Dy ditë pas golit vendimtar nga penalltia ndaj klubit nga Iraku, Al Shorta, i cili i dha Al-Nassr të tij biletën e finales së Ligës së Kampionëve Arabe, po diskutohet ngazëllimi i kampionit portugez, i cili bëri shenjën e kryqit. Një gjest religjioz i ndaluar në Arabinë Saudite (anormale), por që, nuk duhet të çojë në pasoja.
Në Arabinë Saudite, nënvizon “Repubblica”, shprehja publike e besimit të krishterë është e ndaluar. Jomuslimanëve nuk iu lejohet të falen publikisht dhe madje nuk mund të promovojnë fenë e tyre përmes objekteve ose simboleve.
Kundërshtimi i këtyre dispozitave mund të çojë në akuza për prozelitizëm. (Kanë ligje absurde, por nuk kemi çfarë t’i bëjmë, aq ‘marrin vesh’)
Kolumbiani Juan Pablo Pino u arrestua në një qendër tregtare dhjetë vite më parë, sepse këmisha e tij nuk fshihte tatuazhin e Jezusit të bërë në shpatull.
Pino ishte duke luajtur për Al Nassr dhe u ndalua së bashku me gruan e tij shtatzënë, të cilët u dërguan në komisariat.
Për Ronaldon, megjithatë, asgjë nga këto. Ish-lojtari i Juventusit dhe Real Madridit, i cili kurrë nuk e ka fshehur besimin e tij (ai shpesh mban edhe vathë në formë kryqi), do të këshillohet vetëm të mos e përsërisë gjestin, i cili është bërë “viral” në rrjetet sociale. Për të, edhe ligjet strikte të një vendi si Arabia Saudite nuk implementohen, sepse për futbollin konsiderohet “mbreti”.
Shpresojmë vetëm që ky vend të emancipohet sado pak, sidomos tani që do të bëhet ‘qendra e botës’. Do ishte mirë që të hiqte këto ‘ligje mesjetare’.
Discussion about this post