Rrezikoi të mbytej, pushuesi shpëtohet në kohë nga familjarët

Deti është i rrezikshëm, kjo dihet prej shumë shekujsh. Ditën e sotme është evituar një tragjedi që do të kishte shkaktuar shumë frikë dhe keqardhje.

Një pushues nga Kosova rrezikoi të mbytet ditën e sotme në plazhin e Shëngjinit. Mësohet se ngjarja ka ndodhur në zonën e Ranës së Hedhun në Shëngjin.

Kanë qenë familjarët dhe pushuesit e tjerë të cilët e kanë shpëtuar shqiptarin, duke e nxjerrë nga uji. Policia dhe ambulanca kanë shkuar në vendngjarje, ndërkohë që ai është transportuar në spitalin rajonal të Lezhës.