Çerekfinalja e shumëpritur e Kupës së Botës mes Norvegjisë dhe Anglisë, e planifikuar të nisë në orën 23:00, rrezikon të mos fillojë sipas programit për shkak të kushteve të pafavorshme atmosferike.
Takimi do të zhvillohet në “Miami Stadium”, ku parashikimet e motit flasin për stuhi të forta të shoqëruara me shkarkesa elektrike në zonën përreth impiantit.
Nëse situata përkeqësohet, FIFA mund të vendosë shtyrjen e fillimit të ndeshjes, ashtu siç ndodhi edhe në sfidën e mëparshme të Anglisë ndaj Meksikës, e cila u vonua me një orë për të njëjtën arsye.
Sipas rregullores së FIFA-s, një ndeshje ndërpritet ose nuk lejohet të nisë nëse konstatohet prania e rrufeve brenda një rrezeje prej rreth 8 kilometrash nga stadiumi.
Në një situatë të tillë, futbollistët duhet të qëndrojnë jashtë fushës për të paktën 30 minuta.
Pas përfundimit të alarmit, ekipeve u jepen edhe 15 minuta për nxehje, përpara rifillimit ose nisjes së takimit.
Vendimi përfundimtar do të merret nga zyrtarët e FIFA-s në varësi të zhvillimit të kushteve atmosferike në momentet para fillimit të sfidës.
Discussion about this post