Dy janë pistat kryesore në të cilën po hetohet rrëzimi i avionit Pilatus rumun PC-12 pasditen e djeshme në Milano. Ngjarja që shkaktoi 8 viktima, mund të ketë ndodhur si pasojë e një problemi në motorin e avionit si dhe përvoja dhe certifikimi i pilotit që është vënë në pikëpyetje.
Sakaq hetuesit nga Agjencia Kombëtare e Sigurisë së Fluturimit kanë zbardhur komunikimin e fundit të kullës së vrojtimit me pilotin Pilatus pc-12. “Pse devijove, për të shmangur trazirat”? ka thënë vrojtuesi i kullës ndërsa piloti është përgjigjur thjeshtë me një “jo”. Përgjigjja ishte thjesht një “Jo”. 3 minuta pasi u nis, avioni ka devijuar rrugën në mënyrë krejt të papritur pa njoftuar kontrollorët që menaxhojnë trafikun ajror në veri-perëndim të Italisë. Më pak se 1 minutë nga ai komunikim, që nuk thoshte asgjë, avioni u zhduk nga radarët dhe më pas humbet mes lartësisë. Në atë momente, ai u rrëzua dhe u përfshi nga flakët, ku për pasojë u regjistruan 8 viktima.
Avioni Pilatus rumun PC -12 kishte mbërritur në Milano nga Bukureshti më 30 shtator. Në të udhëtonte miliarderi rumun, pronar i një firmë të madhe ndërtimi, i një sërë hipermarketesh dhe qendrash tregtare Dan Petresku, gruaja e tij dhe djali si dhe pesë persona të tjerë, endë të paidentifikuar.
Sipas ekipeve të shpëtimit imazhet ishin tronditëse. Mbetjet e avionit janë të shpërndara në një zonë të madhe rreth pikës së goditjes, e ndërsa disa dëshmitarë, që banonin në një ndërtesë rreth 200 metra nga vendi i tragjedisë, thanë se dëgjuan një zhurmë të çuditshme dhe më pas kur panë nga dritarja zjarri kishte mbuluar gjithçka.
