Janë identifikuar 2 shtetasit shqiptarë që udhëtonin në avionin që u rrëzua disa ditë më parë në zonën e Vermoshit.
Mësohet se identifikimi i tyre është bërë përmes shenjave të gishtave, ndërkohë që rrëzimi i avionit dyshohet se ndodhi për shkak të mbingarkesës.
Avioni i modifikuar u rrëzua në Vermosh në datën 4 Tetor, dhe personat që ishin në të u larguan së bashku me disa çanta me një mjet foristradë. Policia nuk i bën të ditur emrat e personave që ka identifikuar përmes ADN dhe shenjave të gishtave për arsye hetimi.
Dyshohet se avioni po përdorej për transport droge dhe ra nga mbipesha.
Hetuesit po verifikojnë njëkohësisht nëse sasia prej 300 kg marijuanë e sekuestruar në Mal të Zi, vetëm një ditë pas rrëzimit të avionit kanë ose jo lidhje me njëra-tjetrën.
Rast i ndodhur në Vermosh, nuk është i vetmi i ndodhur në vendin tonë. Më herët avionëve privatë që përdoreshin për transport droge janë rrëzuar në Durrës e Lushnje.
