Rrëzohet avioni i forcave ajrore në Greqi, 2 të zhdukur

Një avion Phantom i forcave ajrore në Greqi është rrëzuar në një zonë detare.

Mediat greke shkruajnë se ngjarja ka ndodhur rreth orës 10:30. Avioni F-4 (dy vendësh) i 338M/117PM që po kryente një fluturim stërvitor u rrëzua në zonën detare 25 milje detare në jug të aeroportit Andravidas.

Në bordin e avionit ndodheshin dy persona, një kapiten dhe një ndihmës pilot.

Aktualisht po zhvillohet një operacion kërkim-shpëtimi nga forcat e Rojës Bregdetare, Forcave Ajrore dhe Policisë për gjetjen e operatorëve.