Tre persona mbetën të vrarë pasi një aeroplan i vogël mallrash u rrëzua në një pyll malor në provincën lindore të Indonezisë, Papua.
Shefi i shërbimit të shpëtimit George Leo Mercy Randang tha se tre pasagjerët kishin vdekur.
Ai shtoi se kushtet e këqija të motit dhe terreni i keq, domethënë shpatet e pjerrëta malore, ndikuan në rezultatin, raporton Washingtonpost.
Një kërkim ajror zbuloi se avioni u rrëzua në Intan Jaya, dhe të paktën 10 shpëtues, ushtria indoneziane dhe policia lokale u drejtuan menjëherë në vendin e rrëzimit. Agjencia amerikane e lajmeve shton se aksidentet e transportit janë të shpeshta në Indonezi, një vend me 270 milionë banorë.
