“Rri në bunker”, PD-Berishës: U strehua te Meta për t’u mbrojtur nga “non-grata”

Partia Demokratike i është përgjigjur deklaratave të ish-kryeministrit Sali Berisha kur tha se kreu demokrat, Lulzim Basha gënjen në deklaratat e tij dhe është strehuar në seli si në bunker.

Në një deklaratë zyrtare, PD thekson se kandidatet e “Shtëpisë së Ilirit”, siç e quajnë, nuk përfaqësojnë demokratët, ndërsa shtojnë se Berisha u strehua tek Meta për t’u mbrojtur nga “Non Grata”.

“Kandidatet e Shtëpisë së Ilirit, nuk mund të përfaqësojnë kurrë demokratët. Berisha u strehua tek Meta për tu mbrojtur nga Non Grata, Meta kërkon të përdorë demokratët për të rritur pazarin tek Rama siç bëri në 2013-n. Të zgjedhësh Berishën e Metën, mban Ramën”, thuhet në deklaratën e PD.