Tjetër humbje jete nga Covid-19, rriten sërish rastet e reja në 24 orët e fundit

Sipas të dhënave të publikuar nga Ministria e Shëndetësisë, rezulton se numri i të infektuarve me Covid-19 në vend është në rritje nga dita në ditë.

Ministria e Shëndetësisë bën me dije se nga 1729 testime të kryera kanë rezultuar 619 qytetarë pozitiv me Covid-19. Rastet e reja janë shënuar në këto bashki: 327 në Tiranë, 32 në Shkodër, 31 në Durrës, 26 në Fier, 24 në Berat, 21 në Vlorë, nga 20 qytetarë në Kavajë, Sarandë, 12 në Lezhë, 10 në Lushnje, nga 8 qytetarë në Krujë, Elbasan, nga 7 qytetarë në Kamëz, Vorë, Divjakë, nga 6 qytetarë në Mallakastër, Gjirokastër, nga 5 qytetarë në Patos, Himarë, Korçë, nga 4 qytetarë në Kurbin, Përmet, Pogradec, nga 3 qytetarë në Mat, Skrapar, Gramsh, nga 2 qytetarë në Kukës, Shijak, Kuçovë, Poliçan, nga 1 qytetar në Mirditë, Dibër, Roskovec.

Ndërkohë, bëhet me dije se janë 3,167 pacientë aktivë me Covid-19 në të gjithë vendin. Aktualisht në spitalin COVID3 po marrin trajtim 21 pacientë. Në 24 orët e fundit ka një humbje jete me Sars-Cov2: një qytetare nga Gjirokastra 83 vjeçe. Janë shëruar 339 qytetarë gjatë 24 orëve të fundit, duke e çuar numrin e të shëruarve në 274,802 që nga fillimi i epidemisë.

Kujtojmë se, rastet e Covid-19 janë rritur në krahasim me një ditë më parë që kanë qenë 553 raste, për shkak të rritjes edhe të testimeve nga Ministria e Shëndetësisë. Ditën e djeshme numri i testimeve ka qenë më i ulët 1433 testime. Ditën e djeshme është regjistruar një humbje jete.