Ditën e sotme numri i të infektuarve në vendin tonë është rritur ndjeshëm. Sipas të dhënave të Ministrisë së Shëndetësisë, në total janë kryer 2,793 testime, nga të cilat kanë rezultuar pozitivë me covid, 393 qytetarë. Ndërsa një ditë më parë regjistroheshin diku te 127 raste. Sakaq, bëhet me dije se, janë 6,206 pacientë aktivë me COVID19 në të gjithë vendin. Aktualisht në spitalet COVID po marrin trajtim 151 pacientë, nga të cilët 15 janë në gjendje më të rënduar.
Sipas të dhënave, në 24 orët e fundit ka 7 humbje jete me Sars-Cov2 pozitiv: Tre qytetarë nga Tirana 40-82 vjeç, dy qytetarë nga Fieri 59-77 vjeç, një qytetar 67 vjeç nga Berati, një qytetar 80 vjeç nga Lezha. Ministria e Shëndetësisë dhe Mbrojtjes Sociale u shpreh ngushëllimet familjarëve. Ministria bënë me dije se, janë shëruar 539 qytetarë gjatë 24 orëve të fundit, duke e çuar numrin e të shëruarve në 192,967 që nga fillimi i epidemisë.
Discussion about this post