Edhe ditën e sotme në Kosovë raportohen rritje rastesh me koronavirus, gati 50 më shumë se një ditë më pare. Sipas të dhënave të publikuara nga Ministria e Shëndetësisë, nga 5.881 testime, 427 qytetarë kanë rezultuar pozitivë me virusin COVID-19. Fatkeqësisht, gjatë 24 orëve të fundit, janë shënuar 2 raste të vdekjes. Sot janë shëruar 31 qytetarë, derisa numri i përgjithshëm i të shëruarve është 158.315 persona, ndërsa në total numri i rasteve aktive është 2.811.
Ministria njofton se, në 24 orët e fundit janë dhënë 3.541 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.704.633 doza të vaksinës. Deri më sot 793.574 qytetarë janë vaksinuar me dozën e dytë, ndërsa në total janë dhënë 24.841 doza përforcuese dhe 2.137 doza të treta të vaksinës COVID-19.
Discussion about this post